Меҳмонхона

Лойиҳа ҳақида

Шаҳар муҳитига уйғунлашувчи замонавий меҳмонхона биноси. Лойиҳада функционал меҳмонхона хоналари, қулай автотураргоҳ ва ободонлаштирилган ташқи ҳудуд ягона меъморий концепция асосида шакллантирилган.

Тошкент шаҳрининг Яккасарой туманида жойлашган меҳмонхона лойиҳаси замонавий шаҳар меъморчилиги ва қулай меҳмонхона муҳитини уйғунлаштиради. Беш қаватли бино ихчам ҳажмий-режалаштириш ечими асосида шакллантирилиб, том қисмида фойдаланиладиган очиқ терраса кўзда тутилган. Бинонинг меъморий қиёфасида катта ойнаванд юзалар ва декоратив панеллар уйғунлиги асосий ўрин эгаллайди. Шаффоф фасад элементлари бинога енгил ва замонавий кўриниш бериб, ички маконларни табиий ёруғлик билан таъминлашга хизмат қилади. Бош режа ечимида меҳмонхона биноси билан бир қаторда автотураргоҳ, пиёдалар йўлаклари ва кўкаламзорлаштирилган ҳудудлар ташкил этилган. Бу ечимлар меҳмонлар учун қулай, тартибли ва эстетик ташқи муҳитни шакллантиради.